Kien ni hodiaŭ iros? Ni iros en la urbeton ĝis la lernejo. Ĝi estas la plej bela domo en la urbeto Vracov.

Marie kaj Anna sidas en la unua vico kaj lernas. Marie lasis la lernolibron hejme. Ŝi havas grandan deziron: fuĝi el la lernejo kaj veturi for.

Anna iras al la tabulo, ŝi legas kaj tradukas novajn vortojn: de la patro, sub la folio, per plumo, birdeto, ĉevalido, mia seĝo, blanka ĉevalino.

Ŝi estas la plej inteligenta kaj la plej simpatia.

Morgaŭ vespere la amikinoj iros kun la patro de Anna en la teatron.

* * *

Respondu libere:

• Ĉu vi legis hieraŭ?
• Kien vi iris?
• Ĉu vi havas pli belan bildeton?
• Kie vi lasis vian lernolibron?
• Ĉu via instruistino estas simpatia?
• Per kio vi skribas? (per kio? – čím?)
• Ĉu ili jam aĉetis novan aŭtomobilon?
• Kiu besto estas la plej bela?
• Ĉu la domo staras en ĝardeno?
• La kioma en la vico vi estas?
• Ĉu ŝi trinkas kafon aŭ vinon?
• Kiu veturos kun ni?
• Ĉu vi jam konas multajn Esperanto-vortojn?

* * *

La 25an de majo 2015
(La dudek-kvinan de majo du mil dek kvin)

Kara amiko,

mi sendas al vi sincerajn salutojn. Hodiaŭ estas jam la sepa tago depost via forveturo de ni. Mi esperas, ke via vojaĝo ne estis malagrabla kaj ke vi bone (en ordo, sen akcidento) revenis hejmen. Hieraŭ mi legis en nia gazeto pri via lando. Oni skribis tie pri inundoj en la suda parto de via lando. Ankaŭ ĉe ni estas la vetero pli malbona. La sunaj tagoj estas jam for. En nia ĝardeno forvelkis multaj floroj. Skribu ankaŭ pri via laboro. Mi atendas vian leteron.

Via amiko Achim